Hello! 大家好呀 ! 不經不覺, 我已經一歲啦 ! 媽咪特登等我一歲生日 book 左 Disneyland Resort 住一晚, 一家人開心一下.
所謂去狄士尼一定要做足準備, 媽咪 13號同哥哥去完大口環 check up, 早左返屋企, 就幫我地pack行李, 我地黃家兩小B去一去香港狄士尼住一晚, 都要 pack一個中 size 手拖喼加3個手提袋, 真係工程浩大架!!
13 號下午個天又落雨, 又烏天黑地, 不過媽咪好有信心, 因為我一年前出世既14號都係天朗氣清架! 仲有我個名有個”朗”字架mar. 14號果然因為我而天朗氣清, 我地一早十點鐘就落左長洲街食早餐, 食完我地就搭 10:45 am 船, 真係未出發先興奮. 沿途已經同哥哥玩到 He! He!Ha! Ha! 啦! 去到狄士尼我地先坐shuttle 去酒店, 諗住放左啲行李係房, 點知去到, 原來我地間房已經ready好啦! 上房之前, check in姐姐仲俾左個 Happy Birthday 扣針我呀, 不過媽咪驚哥哥都想要, 所以我地一人有一個.
所謂去狄士尼一定要做足準備, 媽咪 13號同哥哥去完大口環 check up, 早左返屋企, 就幫我地pack行李, 我地黃家兩小B去一去香港狄士尼住一晚, 都要 pack一個中 size 手拖喼加3個手提袋, 真係工程浩大架!!
13 號下午個天又落雨, 又烏天黑地, 不過媽咪好有信心, 因為我一年前出世既14號都係天朗氣清架! 仲有我個名有個”朗”字架mar. 14號果然因為我而天朗氣清, 我地一早十點鐘就落左長洲街食早餐, 食完我地就搭 10:45 am 船, 真係未出發先興奮. 沿途已經同哥哥玩到 He! He!Ha! Ha! 啦! 去到狄士尼我地先坐shuttle 去酒店, 諗住放左啲行李係房, 點知去到, 原來我地間房已經ready好啦! 上房之前, check in姐姐仲俾左個 Happy Birthday 扣針我呀, 不過媽咪驚哥哥都想要, 所以我地一人有一個.
上到房我仲開心呀, 一來好開心可以上去睇下今晚同爸爸, 媽咪, 哥哥同埋Erni一齊瞓既房, 二來原來酒店啲哥哥姐姐已經為我準備左好靚既毛巾生日蛋糕做生日禮物lu, 你地睇下個cake同birthday card 幾靚, 係Mickey Mouse, Minnie 同埋Donald 送俾我架!
放左行李, 休息左一陣, 我地就出發去 Disneyland Park. 因為我地有生日心口針, 個個Disneyland既工作人員都同我講 “Happy Birthday” 呀, 雖然我吾識聽,但係媽咪都有同我say Thank You. 玩到差不多, 我地就回程返酒店食buffet, 因為我地upgrade左做2-Day Pass, 聽日先再玩lor!!
係buffet 度有好多人物行來行去, 我睇到都好開心架, 但哥哥就吾係啦! 話說哥哥俾一隻係米奇大屋既Mickey Mouse跳出黎嚇親, 之後每次哥哥都只可以遠觀, 不可以近看, 媽咪仲話可能哥哥個頭頂有一個Button, 每次有Disneyland人物拍哥哥個頭頂, 哥哥就會 “wear” 一聲喊出黎啦!
婆婆都黎埋唱生日歌俾我地聽tim, 不過我因為玩左一日, 好眼瞓, 心情米吾係咁好lor,
但係吾緊要, 因為第二朝一瞓醒, 爸爸, 媽咪, 哥哥同埋Erni又一齊唱生日歌俾我聽呀!又開心多一次.
15號既早上, 我地留左係酒店, 去行花園啦! 去Game Room 啦! 仲要瞓埋午覺先過Park, 又玩左一個下午. 終於我地一行五人拖住超級累既身軀返屋企.
今次好開心呀, 媽咪都覺得係, 仲已經開始諗下一次幾時去tim, 我諗下次去我一定要識行, 因為一定仲好玩架!!
沒有留言:
張貼留言